嚐仙

营业中

休息中

事源今日同男友去尖嘴買野，經過呢間新野賣芋圓，突然好想食就入去諗住幫襯。未入到去已經比收銀阿姐截住話買野食呢邊，ok，甘諗住叫個招牌芋圓試下先啦，點知阿姐話叫一個唔得，按人頭計數，ok，甘咪叫多杯野飲lor，態度唔洗甘“狗眼看人低”ge。一開始我地揀左堂食，所以杯野飲係用紙杯裝但無蓋無封口，食完野諗住拎杯野走，叫阿姐(無錯，又係收銀阿姐）拎個蓋，佢話要加一蚊！what？我同我男朋友都o左嘴，未反應得切阿姐即刻話：噢，等陣，一陣幫你地。之後佢就拎左個杯走，然後用封杯機用膠紙封住，拎出嚟擺係檯面就話“一蚊！what？其實你有無問過客人？有無比我地選擇要定唔要？所有野都係呢間鋪或者呢個阿姐規定ge！呢個時勢都係甘ge服務態度，仲有埋d甘ge規矩，我諗呢間鋪遲早bye bye。講真，一蚊邊個比唔起？叫多杯野飲都無所謂，但服務態度真係好重要！阿姐一定做唔到。碗芋圓仙草一碗45，分量幾少，但味道ok；杯野飲就32，我個人認為有少少"粟“味，但我男朋友話無，不過都一致認為麻麻地，打包純粹係唔想浪費。員工態度甘惡劣(可能收銀阿姐係老闆)野食又一般，真係諗唔到理由再幫襯。