樂園素食

营业中

休息中

呢度起碼食過兩三次，今次真係好失望 。每次都係為咗佢好特別嘅咕嚕肉過嚟 。今次好似炸得有啲皮同中間個菇分得好開 。嘢食嘅種類好少，今日你都行出去自助區食嚟食去都係嗰啲嘢，二百幾蚊一個人可以食啲更加好嘅嘢 。基本上行一轉已經可以喺你碟上面擺晒所有出面嘅食物 。最失望嘅係員工嘅態度，得閒嘅時候就成堆企埋一齊喺客人面前大大聲講個客是非 。唔係就明明你自己食緊嗰個碟，都係你眼前收走 。就嚟喺個口入邊拎走我食緊嘅嘢，完全唔明點解要咁樣做又唔係多人？同佢講食緊佢都照收走真係勁奇怪 。未到九點已經通知話出邊會收檔，叫我哋攞最後一次嘢，但係我哋攞嘅時候又黑口黑面喵嘴喵舌咁樣好似阻住佢哋收工 。今次會係最後一次嚟 。