影片
更多
2011-07-28
39 浏览
初初諗去食呢間日本放題只貪佢近近地，再睇埋呢間放題嘅價錢同埋食評，講真...唔敢有咩特別嘅期望，因為地區同佢嘅價錢太平，覺得唔會有咁筍嘅事掛~~但往往又有d出人意表嘅效果~~~真係magic~~我哋一行8人準時6：00去到，地方唔算大，但我哋坐卡位都幾舒服，一口氣寫咗好多張點菜紙，每一次遞紙比服務員，佢哋永遠都係笑容親切咁答你多謝晒，又經常同你換碟，不停斟水，仲會問你有無漏單，有嘅話同你補翻~~~另外，食之前打咗兩次電話嚟問我哋呢枱有無bb，洗唔洗坐bb櫈或者要放bb車，確保我哋坐得舒服，唔會覺得迫迫澀澀，員工嘅服務態度拍得住5星級酒店有餘，以我食咗十幾廿間放題，從來未有一間服務好似呢間咁好~~至於食物方面，種類已經算多，上菜速度超快，初初我仲想話每位加$30多半個鐘，因為放題時間只有個半鐘，諗住最少兩個鐘至夠食，唔怪得個服務員話個半鐘已經好足夠啦~~以下係我覺得最值得食嘅嘢：燒三文魚頭，魚鮫：超好味，必食推介，魚皮少少脆身，肉嫩脂肪位勁滑，出面起碼$30先得一舊，呢度限量供應，我哋早嚟嗌咗4個魚頭，2個魚鮫，超值，但奉勸各位唔好食過量，漏到想嘔~~燒芝士三文魚壽司，燒三文魚壽司：細細
初初諗去食呢間日本放題只貪佢近近地，再睇埋呢間放題嘅價錢同埋食評，講真...唔敢有咩特別嘅期望，因為地區同佢嘅價錢太平，覺得唔會有咁筍嘅事掛~~但往往又有d出人意表嘅效果~~~真係magic~~
我哋一行8人準時6：00去到，地方唔算大，但我哋坐卡位都幾舒服，一口氣寫咗好多張點菜紙，每一次遞紙比服務員，佢哋永遠都係笑容親切咁答你多謝晒，又經常同你換碟，不停斟水，仲會問你有無漏單，有嘅話同你補翻~~~另外，食之前打咗兩次電話嚟問我哋呢枱有無bb，洗唔洗坐bb櫈或者要放bb車，確保我哋坐得舒服，唔會覺得迫迫澀澀，員工嘅服務態度拍得住5星級酒店有餘，以我食咗十幾廿間放題，從來未有一間服務好似呢間咁好~~
至於食物方面，種類已經算多，上菜速度超快，初初我仲想話每位加$30多半個鐘，因為放題時間只有個半鐘，諗住最少兩個鐘至夠食，唔怪得個服務員話個半鐘已經好足夠啦~~
以下係我覺得最值得食嘅嘢：
燒三文魚頭，魚鮫：超好味，必食推介，魚皮少少脆身，肉嫩脂肪位勁滑，出面起碼$30先得一舊，呢度限量供應，我哋早嚟嗌咗4個魚頭，2個魚鮫，超值，但奉勸各位唔好食過量，漏到想嘔~~
燒芝士三文魚壽司，燒三文魚壽司：細細件，但入口即溶，相當不俗~~
刺身： 三文魚（我仲食到腩位添呀~~好肥美），帶子，甜蝦都好新鮮，但吞拿魚確實切得太薄，可能來貨貴掛，一片等如出面嘅1／3厚度，仲有另外嘅刺身，例如赤貝，八爪魚，墨魚...都ok~~
炸生蠔~~超熱辣辣，唔腥，炸粉唔厚，好好食
羊架~~難得無酥味，醃製得相當好食，又淋d肉又滑
清酒煮蜆~~用上花甲，殼薄肉厚，蜆肉非常清甜，不過偶爾見到一兩隻有好多沙~~
海膽軍艦~~難得呢個價錢都有海膽食，仲係幾新鮮，已經好唔錯
以下係我覺得麻麻地嘅嘢：
手卷：得面頭有魚生,下面成半碗飯，個人認為無謂嘥咗胃部消化嘅空間囉~~
芝麻八爪魚& 川弓螺肉 ：d汁杰韃韃，張住個口，八爪魚同埋螺肉又淋晒，真係最唔好食嗰樣~~
整體嚟講真係相當滿意，一定會再去幫襯~~
张贴
