狀元橋 (已結業)

諗住疫情好番小小就出去食嘢，原本去過石門見過喱間米線一直都想試下，今次專登出嚟食。 入到去四五張台有人坐，其中一台係佢地員工，諗住無咩客其實休息下都好正常，點之後面就嚟野啦！ 叫咗酸辣米線同皮蛋，皮蛋黎到一食同其他米線店差好遠，淡而且皮蛋好大「壓」味，食咗一兩舊就唔想食，而酸辣米線湯底更加低手，根本係清湯加幾條所謂酸菜就當自己係酸辣米線，加錢叫九菜小得可憐。 到最後最搞笑嘅係佢地員工唔知鼠晒去邊，收錢都無人收，明明岩岩坐台嘅員工起碼有四個人，最後廚房有個呀姐出黎收錢。 其實生意難做，本來客都唔多，休息時間都多左，點可以有客人時都圍圍坐玩手機，好失望！