湯加 (麗閣商場) (已結業)

依間野生存到咁耐仲有咁多間分店真係神奇。話澳牛服務差果啲一定冇食過湯加魚米。啲侍應態度衰到我懷疑係咪同個老闆有仇，繁忙時間你人少做唔切我明，好多餐廳都係咁，但寸到應都唔應你，就真係第一次見。最屈機係埋單果時，個侍應話淨係識收現金，要等另一位同事先可以收八達通或支付寶。再強調，唔係唔收，係佢唔識。收銀都唔識依間野個老闆真係開善堂。不過坦白講嘢食又唔太差，廚房果班係正常，不過管理同服務就真係不知所謂。