哈比斯燒肉串和咖哩 (利景閣)

营业中

休息中

便捷簡單而有營養豐富 的菜式， 唔一定淨係得西式三文治, 中東 kebab 卡巴卷， 亦都係 一道我非常喜歡的 簡便之選， 如果趕時間返學， 買一條卡巴卷上路吃就最方便不過。 今次因為趕路，選擇係天后電氣道的哈比斯食卡巴卷。餐廳雖然唔係好大， 以做外賣為主， 除咗賣轉轉燒肉，賣卡巴卷，都有賣 pizza。 而且卡巴卷每一日都有唔同嘅特惠可以選擇， 加兩蚊仲有汽水添， 買走食非常方便。 今次選擇咗牛肉卡巴， 卡巴卷size非常之長， 差唔多又女士的前臂咁長， 卡巴卷即叫即卷， 竟然後會再放落焗爐烘一烘， 而且店員仲好細心分成兩份。  卡巴捲入面有大量嘅生菜絲、椰菜絲、洋蔥同蕃茄， 口感爽脆。 牛肉切成粒粒， 香料味沒有蓋過本身的牛肉味，惹味非常， 配埋酸忌廉同青豆醬， 勁清新開胃。 餐廳仲有其他唔同款式的卡巴卷沙律 又或是其他 素食小食等等， 下次經過可以再試試。