影片
更多
2018-05-07
167 浏览
講真，十個有九個揀呢間餐廳絕對係因爲佢個主題。係香港做主題餐廳唔容易，一時興呢樣一時興個樣，要捉緊大家既喜好都有難度。我黎呢到都係因為係哈迷。未入去已經期待，諗緊餐廳會播咩歌？D deco似唔似，會唔會好流。呢D其實真係不成功便成仁。做得好就有返頭客既機會，做得唔好真係一次就會Bye. 所以我都好緊張。一出lift就見到呢個牌，門口裝飾都唔錯，幾有感覺。個貓頭鷹籠用左小燈飾裝飾完就更加岩港女影相入面有好有feel既書架，連條爬去拎書既樓梯都襯埋個下有心思呀嘛！食野個時催狂魔就係頭頂，好彩佢無吸走我既快樂！張凳上面既護法仲令我同男朋友既答問比賽一觸即發！地方唔算好大，但欣賞餐廳重視環境質素，唔係狂塞滿D枱就算。好細心咁有個籃俾我地放野。其實我仲好欣賞佢個水杯，係個底唔平識搖擺既水杯！可惜我掛住玩Instagram Boomerang無影低。呢D細節就係餐廳用唔用心既證明！叫左個risotto, 好好味！D汁既濃度調得岩岩好。D菇同黑松露唔會太搶，互相都出到色！呢個黑毛豬係店員推介，咁樣配紫薯我都係第一次見。個人覺得個豬調味淡左D, 香草味有, 但因為好厚身，咸多少少應該會好食D。用紫薯配
入面有好有feel既書架，連條爬去拎書既樓梯都襯埋個下有心思呀嘛！食野個時催狂魔就係頭頂，好彩佢無吸走我既快樂！張凳上面既護法仲令我同男朋友既答問比賽一觸即發！
地方唔算好大，但欣賞餐廳重視環境質素，唔係狂塞滿D枱就算。好細心咁有個籃俾我地放野。
其實我仲好欣賞佢個水杯，係個底唔平識搖擺既水杯！可惜我掛住玩Instagram Boomerang無影低。呢D細節就係餐廳用唔用心既證明！
叫左個risotto, 好好味！D汁既濃度調得岩岩好。D菇同黑松露唔會太搶，互相都出到色！
呢個黑毛豬係店員推介，咁樣配紫薯我都係第一次見。個人覺得個豬調味淡左D, 香草味有, 但因為好厚身，咸多少少應該會好食D。用紫薯配搭可以中和漏既感覺！
唔記得講佢D食物都係有個魔法世界名架！好似暴暴消，恩不里居的甜點D fd, 我覺得都幾得意。不過睇menu就考D功夫啦。芝士煙肉焗薯條，不過不失。
最後係令我覺得surprise既芒果大蝦salad, 芒果好甜好好味。個salad用既醋都調配得宜。酸甜消滯！大蝦烤香左，食落都特别好味。
cashier放左魔杖同眼鏡可以企係靚靚背景到影相。影之前店員仲會同你玩下遊戲，問下你邊支魔杖係邊個既。咁有互動既餐廳真係好少見。btw, 佢應該幫人影左好多張，所以張相既角度都幾靚
個人覺得呢到消費唔算高，人均都係$150到，有既環境仲有令人印象深印既服務態度，係一餐令人食得好開心既晩餐。
张贴
