瀛風 (啟田市場) (已結業)

食過好多次，但係食品質素好參差。有時會好好食，但有時會好差而且好多時候明明叫咗多沙律醬但係最後係冇沙律醬，唔明點解可以出啲咁嘅錯，而且唔係一兩次，而係過半數都係咁。差唔多10次有7次都係咁，雖然鍾意食你地嘢但係次次都係咁真係令人卻步，而且員工態度又唔係好好。而且之前重試過俾少咗杯嘢飲，加上啲嘢飲嘅糖漿份量又係好參差，一時又冇味一時又超甜。我真係懷疑你地員工係咪將多沙律醬當咗做走沙律醬，定係其實分唔清多同少。唔該員工整嘢食嗰時望/聽清楚客人要求，唔好次次都出啲咁嘅錯。