阿爺八鮮鍋 (已結業)

我們九個人黎食飯，海鮮一啲都唔新鮮，湯底超淡。但係最嬲既係每次點單，無論你數量填幾多，都只係會比你固定份量。寫就寫蟶子王，實質嚟到得我手指尾咁大！響鈴每次只黎兩條！萵筍只比四片（薄如絲）！牛肉按人頭一人一片（但唔係每次落單都會比你）！魷魚只比兩串！我哋9個人點分呢！？多次向服務員投訴後無果！到後來我哋只能夠多次點單，但佢連個落單牌都唔俾我哋！到最後俾錢嗰陣我哋真係忍無可忍，直接同佢哋老闆反映意見！但係佢哋老闆仲搞笑，態度非常惡劣話：我哋就係咁㗎啦！係我落嘅指令！如果唔夠飽嘅我俾你坐喺度食到你飽為止！但係我想講，如果真係按你出菜嘅時間，唔通我食一餐飯要食四五個鐘！？如果我哋唔投訴佢只可以限食兩個半小時，仲要係提前半個鐘頭last order，我相信正常人都唔會食得飽囉！