茶茶台式料理 (已結業)

喜歡食火鍋嘅我都會去品嚐不同特色風味火鍋，就早排去左旺角呢間台式料理店開飯，晚市主打台式一人火鍋，口味同款式都夠晒多元化係咁多款當中我就點左沙茶牛肉鍋因為鍾意食牛，上枱已見鍋內有多款火鍋配料，尤其係牛肉份量十足啱晒我呢D食肉獸而且凡惠顧每款台式火鍋都可以用半價品嚐滷肉飯，係火鍋煮緊時我都唔執輸點番碗食先，滷肉飯好足料入口食到香嫩滷肉粒味濃郁，食落份外滿足又係時候開始品嚐火鍋時間，先飲番啖熱辣辣湯底帶點香辣，再來係品嚐牛肉肉質肥美啖啖肉食得滋味，記得食之前點埋醬汁會更惹味呢度除左有美味台式火鍋外，仲有埋台式飲料同特色小食以至串燒提供，以為自己去左台灣掃夜市咁，輪到小食有人氣麻辣臭豆腐同涼拌小青瓜前者食到香脆麻辣臭豆腐內裏滑溜味濃厚夠晒地道風味，後者入口清爽又開胃，再飲番杯季節限定芝士莓莓，飲到啖啖香濃奶蓋之餘，同時食到香甜草莓即時透心涼最後唔少得食埋串燒，有金牌烤羊肉串肉質香嫩夠惹味、香烤韮菜入口爽甜多汁同蒜蓉燒茄子，而且每款串燒食落各有特色包保食得開心，咁又品嚐左一餐美味台式料理。