皇后飯店 (已結業)

今日o係同亞媽睇戲前, 同佢去皇后食. 一人嗌一個set lunch. 餐前包甜甜地唔熱一般. 忌廉磨菰湯超杰同埋過咸; 羅宋湯味勁濃濃到飲唔晒就放棄. 西莓煙豬柳伴薯菜, 煙豬柳有三塊, 又係好咸, 同埋食落似叉燒多d. 薯菜有波菜同蘿匐, 唔錯. 大蝦帶子薯蓉, 個超級杰超級酥o既白汁物體cover晒所有大蝦, 帶子, 同蔬菜, 令成個dish好膩, 所以我冇乜食過dshredded成飯粒狀o既薯蓉. 帶子僅得一粒切成兩半. 爽口大蝦真o係好大隻. 餐茶冇乜好講. 服務ok, 唯當我地兩杯餐茶o係個bar到ready之後, 六七個waiters又唔o係特別忙緊o係度chit-chat轉又竟然完全當果兩杯野冇到, 離晒譜; 杯茶o黎到我地檯, 已經涼了. 埋單八十八每人. 要食飯都o係o米鬼去又一城.