巴蜀烤全魚 (已結業)

九龍城地膽既朋友，今日帶我嚟食烤魚。估唔到都幾多人食，平日晚都坐滿人。咸鮮麻辣味大邊鯇魚兩個人怕食唔曬一條魚，嗌咗一條大邊鯇魚。聽職員講，清江魚同鱸魚就少啲骨，下次人多會再嚟試下。烤魚有好多隻味揀，我哋揀咗咸鮮麻辣味。烤魚味道唔錯，勁多青蔥，魚身仲鋪滿蒜蓉辣椒，都幾惹味㗎。小辣只係微辣，唔食得辣既朋友都食倒！魚肉質地幾嫩滑，啖啖肉，兩個人食大邊都ok，建議加啲配菜打埋埋邊爐！必點風味串燒見到有秘製串燒，就嗌咗兩串試下。意想不到好味喎！曾經去過四川嘅我，發現呢間串燒味道勁似四川當地比較重口味嘅串燒。雞翼鋪滿孜然粉！好香好好味！炭燒豬頸肉一串仲有三大塊，啖啖肉。