老長沙湘菜館 (已結業)

自問重口味加愛辣人士, 所以對川菜湘菜依D都來者不拒。哩間D口味夠哂重滿足到我口味。環境簡潔企理, 每枱都有熱茶供應。小炒黄牛肉($168)用左我平時最中意既辣椒, 芫莤, 仲有種酸酸辣辣既辣椒仔, 牛肉同配料既比例幾乎1:1, 每一啖都會食到牛同配料, 超香超惹味! 乾鍋雞($138)用爐煲住, keep住熱辣辣既雞鍋, 辣度唔算好強, 雞肉入味沾滿咸咸帶微辣既汁, 會令人想一吃再吃。大盤有機花菜($78)連椰菜花都可以炒得惹味, 用左乾辣椒炒出黎香氣十足!黎哩度食真係要叫白飯, 樣樣都好惹味好好送飯送酒, 中意啤一啤既都好適合!