Cosmos Restaurant & Bar (已結業)

到尖沙咀搵食！今日想靜靜地食西餐，所以就揀左黎呢度啦！環境唔錯，唔算嘈，燈光暗暗地，播放音樂，幾適合情侶黎！餐廳唔算好大，我算黎得早，座位好快坐滿，所以最好都係book定枱！餐廳直播足球賽事，可以未係甘夜或唔係重要場次，客人都好含蓄，哈哈講反食物先叫左set，前菜有煙三文魚沙律！左上角係水果串，幾甜。煙三文魚好大塊，沙律中有粒粒既荔枝味爆球，沙律菜食落去會甜甜地，幾特別！餐湯係我最愛既黑松靈忌廉蘑菇湯！黑松露味好香，加上同樣都係好香既蘑菇簡直係絕配！好濃，好好味！蘑菇帶子意大利飯帶子煎香個底，好大只，好好肉！食落鮮甜爽口，正！咸豬手！勁大大只！我地兩個人食爭啲食唔晒！咸豬手外皮超脆，切落去卜卜聲響！侍應話可以叫廚房幫手切，我地當然話好啦！切完擺得好整齊，傳來陣陣香味！除左皮脆外，內裡既肉仲係熱辣辣！肉質爽口，咸咸地！唔洗點個汁都好好味！有啲筋，食落好爽口，但完全唔覺油膩，呢個咸豬手好好食，可能係食過最好的！甜品係朱古力慕絲有驚喜！！食落去時覺得有黑松露味，以為自己食錯，原來係面頭塊朱古力加左黑松靈對於黑松露迷既我係一大滿足！加上慕絲好濃朱古力味，呢個甜品值滿分！Mojito 酸酸地，好