影片
更多
2021-01-03
106 浏览
香港食正宗法式crêpe既餐廳以我所知唔算多🤔 今次試既哩間位於灣仔，兩位店主都係法國人，聽聞佢地既galette(即鹹crêpe)都係跟足傳統做法，用左蕎麥粉去製作，再喺面頭掃上一層薄牛油。我地今日嗌左三款crêpe/galette，整體黎講味道都唔錯，亦都食得出食材幾高質，雖然未係我喺香港試過最好食既crêpe，不過都可以一試🤗 *,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*« Brunch set $168 » 包含一款main、一款dessert、一款飲品 🌮 Gelette la fermiere用料有雞肉、香煎蘑菇同埋全麥芥末醬，餅皮加左一層芝士去煎，令入口香味更加濃郁，口感微微煙韌之餘帶啲脆口，但係就食唔出佢搽左牛油。入面既蘑菇食得出係高質貨，菇味好香濃，而醬汁就冇乜mustard味(岩曬我哩啲唔好mustard既人🙈)，不過亦都因為咁所以蘑菇同雞肉既味先可以更加outstanding，略嫌醬汁唔夠多，因為餅底本身屬於比較乾身爽脆，所以我覺得可以多返啲醬汁去令口感更加平衡🤔 🥞 Crepe la belle helene (+$20 朱古力
*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*
« Brunch set $168 »
包含一款main、一款dessert、一款飲品
🌮 Gelette la fermiere
用料有雞肉、香煎蘑菇同埋全麥芥末醬，餅皮加左一層芝士去煎，令入口香味更加濃郁，口感微微煙韌之餘帶啲脆口，但係就食唔出佢搽左牛油。入面既蘑菇食得出係高質貨，菇味好香濃，而醬汁就冇乜mustard味(岩曬我哩啲唔好mustard既人🙈)，不過亦都因為咁所以蘑菇同雞肉既味先可以更加outstanding，略嫌醬汁唔夠多，因為餅底本身屬於比較乾身爽脆，所以我覺得可以多返啲醬汁去令口感更加平衡🤔
🥞 Crepe la belle helene (+$20 朱古力雪糕)
哩款入面有燉梨、朱古力醬、whipped cream同餅乾。雖然係甜crêpe，但係食曬成個都唔會太濟，啲梨有進一步減去甜膩既感覺同埋令個crêpe更有口感。我地另外加錢加左一球朱古力雪糕，個雪糕好高質同好值得加！朱古力味濃郁得黎又唔會太甜🤩 whipped cream亦都有陣陣奶香味，口感細膩，係唔係用法國忌廉就唔清楚，但食得出唔係一啲好cheap既植物性忌廉。個crêpe表面仲加左啲玉桂粉，令口味更豐富，味道冇咁單一
🥞 La Normande ($118)
哩款唔包含喺brunch set入面，要另外喺普通menu度嗌。個crêpe入面有燉蘋果同埋青蘋果雪葩，有趣既係侍應會喺個crêpe面頭淋一浸蘋果白蘭地，再喺serve既時候用火去點燃成個crêpe，哩種料理手法叫flambé🔥 法國菜都幾常會用到，目的係火燒之後令酒精揮發，繼而為食物增加一種溫和又唔會太濃烈既酒香味。不過今日哩個crêpe似乎flambé得唔夠，酒精未能完全揮發，酒味太濃太苦，令個crêpe既甜味同苦味唔係太平衡。不過整體黎講味道都ok既，欣賞佢用青蘋果雪葩而唔係普通蘋果雪糕，唔會令個crêpe更加甜膩之餘仲有少少清新既感覺
#非專業食評
#食評只反映當日食物質素
张贴
