越興苑越南美食菜館

营业中

休息中

椒鹽軟殼蟹，炸得鬆化又非常香口，不過太咸喇，而且食不到蟹肉鮮味，一般。生滾牛肉河全走，我只會加青檸同指天椒架乍，生芽菜、九層塔、薄荷葉都免喇。都有段長時間無幫襯嚕，味道似乎比以前單調及平庸左。湯底免強散發淡淡牛肉味，甜美濃郁欠奉，麻麻地。全熟牛肉片，好采質地不鞋不韌，合格。幼河粉大愛，滑滑堅廷，連香辣酸酸牛肉湯倒落肚，又幾好味喎。試過多間越南河都係老趙最好食，越棧就不值一提喇。泰式海皇湯，好奇心驅使下 order 黎試試，非常濃郁茄膏味道，酸味渵濃濃，辣味不出。無任何海鮮味，無味海蝦、無味青口、無味魚塊、無味魷魚，材料不多，最好食係鮮蕃茄，試一次便夠。凍檸樂，飲完剛才超濃海皇湯，即刻要叫杯冰凍可樂解解去先得呀。原來唔係原裝可樂，只係汽水機出品，慘﹗用青檸唔係黃檸又幾得意喎。