咯咯雞韓食店 (亞士厘道) (已結業)

天氣一凍最好就係打個邊爐，偶然經過呢一間房見到入面有部隊鍋。我都未食過，就入去試吓。入到去佢鋪面都算係大，窗邊位比四人枱更加大。原本見到有炸雞係想叫炸雞嘅，但係發覺一個邊爐其實都好多嘢食於是都冇叫。佢個部隊鍋有：芝士腸、午餐肉、年糕、豬腩片、魚片同埋韓國公仔麵。中間仲有一隻蛋而旁邊係泡菜。呢一個部隊鍋辣椒味，真係非常之犀利。午餐肉同芝士腸普普通通。豬腩片可以睇得出佢嘅脂肪非常多。食豬腩片基本唔使咀嚼，就好似可以喺個口腔度溶化。同時佢嘅辣味融合得好好，食到落去胃嗰陣時仲feel到後勁十足。魚片我以為喺韓國先至可以食到，點知喺香港仲可以食到韓國魚片。韓國嘅公仔麵係好似食極都食唔完咁。我夾嘅每一啖餸都有麵。冇叫到佢哋嘅特飲，淨係飲佢哋舖頭提供嘅檸檬水。可能兩個人比較細食，我就一個鍋已經飽，唔需要再追加其他小食。呢一間舖值得再嚟第二次。