微辣大排檔 (已結業)

沙田新城市第三期微辣大排檔，餐廳環境闊落，平日早啲嘅話基本上唔使等位可以直入。入到去有一個大屏幕俾大家睇跑馬，不過本人並無此嗜好，都係專心食嘢啦🤣咪走雞，我諗應該係呢度嘅招牌菜，架勢十足，連個煲都係雞嘅樣，幾有趣。上台之後，侍應會幫你㨴蓋林火酒同點火，非常igable。以為齋睇得味道麻麻地？ No No No，雞肉非常嫩滑，你就咁睇佢荷葉出面擺放嘅洋蔥同蒜頭就知道佢落足料醃煮隻雞，無論係味道定質感都係👍🏻👍🏻👍🏻咖喱雜錦煲，裏面有豬皮、蘿蔔、魚蛋同水魷，味道普普通通。菠蘿素咕嚕肉，呢道菜非常有驚喜，本來以為素肉質感一定麻麻哋，點知係好似真肉，而且凍食反而令到佢道菜冇咁膩，好快就俾我哋一掃而空。