Monster Burger (已結業)

與將離職的同事吃第N次Farewell 飯,作為做脚嘅我無特別要求,年輕人易話為食餐漢堡又ok!一吋厚手打牛肉芝士漢堡餐:打開包裝紙,看不出這塊就是聲稱一吋厚手打牛肉芝士漢堡!因為飽身比較硬而且漢堡排的份量比想象中小,用力一按便壓扁,毋須先切開一半已可放入口,一口咬下可看見漢堡排的中間己全熟,肉質是有點鬆散,香草的味道不及Pro Burger,肉汁不多而且配菜的生菜蕃茄亦有點乾水,食到一半要加茄汁!沙律----薯仔加粟米加幾粒罐頭桃,薯仔烚得太爛!加埋沙律醬撈勻變成一PatPat!味道一般,入口感覺真係麻麻.薯條----全店只有我們四個客人(或可能有外賣),四個餐大約十分鐘左右就到齊,但薯條全都不是現炸!温度只是微暖,薯仔味道偏淡.玉桂蘋果粒----百份百貨不對辦!看海報本以為是類似M記蘋果枇的迷你版!原來實物的真身是像一件有很厚炸粉的薯角,而中間餡料肉桂及蘋果味道欠奉,質感是實心的一舊.吃完後,模彷了早兩晚看完港男港女內的詹瑞文,用他扮口靚模的語氣問咗提議來試的同事一句 : 咩‧嚟‧架?