影片
更多
2019-04-20
16 浏览
唔知點解呢，有一啲食物就係有啲魅力係度，無論用咩烹調方法、味道都永遠不敗，唔知大家知唔知道我講緊咩食物呢？就係雞翼呀！近年越黎越多餐廳、小食店都用雞翼作為噱頭，例如雞翼放題、雞翼拼盤......，其實我地都係雞翼既忠實粉絲，於是乎知道旺角開左一間雞翼專門店，已經好想去，奈何無咩機緣巧合既時間去見識下，之前有一次曾經好近，結果因為趕巴士就錯過左，所以今次發誓一定要食到，終於可以試到啦。雖然之前食左啲野得飽飽地，但係無野可以阻止到我地食雞翼既心，我就揀件數，佢就決定揀咩味道，最後揀左6隻檸香山葵蟹籽味，等雞翼既期間留意到成間舖頭裝修都好少女好夢幻，用左鏡、花黎佈置，成個感覺同氣氛都令你食慾大增，等左一陣即製既雞翼就完成啦，睇住佢地收到咩order先會製作個種味道，所以所有雞翼都係熱辣辣。拎上手既雞翼感覺到佢既份量好紮實，亦睇得到佢好大隻，插住「不要儀態...只想吃雞翼」既旗幟，彷彿同我地講食啦食啦，雞翼既外皮炸得好酥脆，鎖得住充滿肉汁既雞肉，配上混合山葵醬同蟹籽既雞翼，味道其實好夾，可能就係因為雞翼咁百搭先咁多人愛，食完呢六隻雞翼之外，我地都好滿足，仲已經好期待其他既味道每次都會透過以下6
就係雞翼呀！近年越黎越多餐廳、小食店都用雞翼作為噱頭，例如雞翼放題、雞翼拼盤......，其實我地都係雞翼既忠實粉絲，於是乎知道旺角開左一間雞翼專門店，已經好想去，奈何無咩機緣巧合既時間去見識下，之前有一次曾經好近，結果因為趕巴士就錯過左，所以今次發誓一定要食到，終於可以試到啦。
雖然之前食左啲野得飽飽地，但係無野可以阻止到我地食雞翼既心，我就揀件數，佢就決定揀咩味道，最後揀左6隻檸香山葵蟹籽味，等雞翼既期間留意到成間舖頭裝修都好少女好夢幻，用左鏡、花黎佈置，成個感覺同氣氛都令你食慾大增，等左一陣即製既雞翼就完成啦，睇住佢地收到咩order先會製作個種味道，所以所有雞翼都係熱辣辣。
拎上手既雞翼感覺到佢既份量好紮實，亦睇得到佢好大隻，插住「不要儀態...只想吃雞翼」既旗幟，彷彿同我地講食啦食啦，雞翼既外皮炸得好酥脆，鎖得住充滿肉汁既雞肉，配上混合山葵醬同蟹籽既雞翼，味道其實好夾，可能就係因為雞翼咁百搭先咁多人愛，食完呢六隻雞翼之外，我地都好滿足，仲已經好期待其他既味道
每次都會透過以下6大方面評分(滿分:30分)
味道 : 4.5 / 5
環境 : 4 / 5
外觀 : 3.5 / 5
價錢 : 3 / 5
服務 : 4 / 5
回頭率 : 4.25 / 5
總分 : 23.25 / 30
性價比：雖然呢個價錢已經可以平平地食到一餐飯，但係同朋友share既話其實一啲都唔貴，仲可以咁試多啲唔同既味道，認真我地都好想再去，食埋其他味道，餓底朋友仔幾時得閒呀？一齊不要儀態吧
张贴