土司工坊 (荷里活廣場) (已結業)

睇戲前想食少少野墊底，想起吐司工房既咖央多士。進入店內先量體温然後自行揾位，再去排隊落單，點了牛油咖椰士司套餐及肉鬆厚土司套餐。牛油咖椰士司套餐 $38多士內塗滿厚厚咖椰醬及一片厚牛油，未食已充滿罪惡感，一啖咬落去脆卜卜，好香椰香味，同男友分享一件以減低罪惡感，套餐另配有煎蛋兩隻。肉鬆厚土司套餐 $38厚土司塗滿煉奶，上面勁多肉鬆，甜美煉奶同咸肉鬆咸咸甜配搭不錯，而且肉鬆份量超多，土司預先切成小塊，相當貼心方便進食。餐飲熱奶茶，香濃茶味，不過用煉奶略為太甜，下次叫少甜會比較好。