肉骨皇 (已結業)

成日都覺得大坑冇乜嘢食，今日就是旦搵左間入去食下。啱啱入到去見到冇乜人都有啲擔心，但就嚟食完嘅時候成間餐廳差唔多坐滿晒，有啲仲係特登訂位嘅添。食新加坡野點少得海南雞飯呢！呢個海南雞飯雞嘅份量都幾多，雞肉嫩滑，配埋醬汁食味道唔錯！最估唔到嘅事配菜嘅芽菜都好好味！咖喱大蝦一定要試！咖喱汁香濃同creamy，唔辣。隻蝦真係超級大隻，炸到卜卜脆，蝦肉都好彈牙！入面仲有啲茄子南瓜，中和番咖喱嘅味道。食咖喱當然唔少得要點個油酥餅，即叫即整，熱辣辣，又香脆！下次再嚟一定會試吓佢個肉骨茶，聞落幾香咁！