SENSU (荃新天地) (已結業)

今日全日都係荃灣玩，食足三餐。哩間西日系既餐廳都唔錯。店員仲好好人比我地揀埋2點前個lunch set,岩岩2點先到。😋香辣蒜片雜錦海鮮扁意粉 $98平時都比較少食海鮮意粉，覺得多數個汁都一般。但哩個汁有少少辣味又幾夾。仲有d海鮮唔係hea,大蝦，青口，魷魚都係新鮮爽甜。扁意粉都好出色，好爽身。讚👍🏻😋脆脆吉列豬扒飯配日式咖喱汁 $138哩個寫明每日限量20份，咁一定要試下啦。以$138套餐黎講係超值，因為佢既豚肉可以媲美日式餐廳$200幾果d吉列豬（其實我覺得哩度仲好食過果d添），真心讚👍🏻佢肉質嫩滑，好肉汁。吉列炸得黎唔會好硬，咖喱汁甜味中等唔會過甜或過辣。一定要試👍🏻😋黑松露薯條 +$28哩個黑松露味都勁出，一般都會冇乜味，但哩個絕對唔hea。😋水牛城單骨雞翼 4隻 +$28單骨雞翼簡直係女士恩物，唔洗食得咁樣衰。哩個都炸得好薄身，肉質嫩滑。😋沙律前菜 $0沙律菜都新鮮爽口。😋香橙伯爵果茶 $21 （跟餐已半價）哩個熱既果茶都好好味，仲要有幾粒大既士多啤梨同橙肉，好有誠意。我地叫果幾道菜全部都有讚，絕對可以再黎多次。而且環境舒服，店員服務又好👍🏻⭐️⭐️⭐️⭐️（5星為滿）SENSU (