走入屯門一間好隱蔽嘅小店，雖然今日落住雨，但依然無阻我嚟一試嘅慾望，香港好少拉麵店主打醬油拉麵，醬油都分白和黑，配上鮮味貝汁。同我係日本食到嘅味道好相似。麵都係自家製，小店嚟講好有心思，我希望麵係硬小小會更好。
雖然我唔係好識飲咖啡，但係老闆會詢問我哋飲咖啡的程度，沖一杯為客人訂製嘅咖啡，係一杯前調有茉莉花香，後調有烏龍茶味嘅咖啡☕️
一啖咖啡☕️，一啖拉麵🍜，提升左拉麵嘅鮮味，呢種味蕾衝擊係好特別！
另外，甜品最令我有深刻回憶，係自家製焙茶巴斯克蛋糕，表層有脆脆增加texture！焦糖布甸都出色，甜而不膩。有不定期限定甜品，來之前記得留意店鋪IG！
