影片
更多
2019-09-16
894 浏览
之前去過觀塘店, 當時老闆話荃灣就開, 更增設有甜品, 所以今日路過荃灣便去新店試試, 仲要一嘗之前老闆推介唔用粉開而係用朱力力磚溶出嚟的 Dark Chocolate! 主菜 +$20 升級定食, 有湯 + 漬物 + 沙律 + 飯 / 烏冬, 選擇困難症的我決定交由侍應哥哥推薦! 滑蛋咖喱牛肉 $78 (單點) ~ 自家配方的日式咖喱, 但無一般日式咖喱偏甜, 反而帶點辣味, 仲加入越南朱力力增添風味, 味道更濃郁, 更有層次! 牛肉亦炆得夠淋, 蛋亦炒得嫩滑, 絕配! 慢煮封門牛柳 $118 (單點) ~ 美國牛柳啊….睇個樣好似好乾咁, 但係原來食落又唔會 (好彩啫), 原來係慢煮 (12個鐘), 煎封面再切片! 好有肉味, 唔會靭有質感, 旁邊沙律菜新鮮, 特別欣賞佢哋既醬汁, 全部自家制! Dark Chocolate $47 ~ 用92度熱咖啡去溶嚟自越南的朱古力磚, 好香濃好幼滑, 喜愛飲 Dark Chocolate 既人應該幾喜歡! 柚子蜜咖啡 $49 ~ 齋啡顧明思義係無糖無奶, 反而用上柚子蜜調味, 口感非常獨特, 有一陣生果清香, 飲前記得要攪均, 如果唔係飲到
主菜 +$20 升級定食, 有湯 + 漬物 + 沙律 + 飯 / 烏冬, 選擇困難症的我決定交由侍應哥哥推薦!
滑蛋咖喱牛肉 $78 (單點) ~ 自家配方的日式咖喱, 但無一般日式咖喱偏甜, 反而帶點辣味, 仲加入越南朱力力增添風味, 味道更濃郁, 更有層次! 牛肉亦炆得夠淋, 蛋亦炒得嫩滑, 絕配!
慢煮封門牛柳 $118 (單點) ~ 美國牛柳啊….睇個樣好似好乾咁, 但係原來食落又唔會 (好彩啫), 原來係慢煮 (12個鐘), 煎封面再切片! 好有肉味, 唔會靭有質感, 旁邊沙律菜新鮮, 特別欣賞佢哋既醬汁, 全部自家制!
Dark Chocolate $47 ~ 用92度熱咖啡去溶嚟自越南的朱古力磚, 好香濃好幼滑, 喜愛飲 Dark Chocolate 既人應該幾喜歡!
柚子蜜咖啡 $49 ~ 齋啡顧明思義係無糖無奶, 反而用上柚子蜜調味, 口感非常獨特, 有一陣生果清香, 飲前記得要攪均, 如果唔係飲到底會好甜架!
牛乳 & Earl Grey 雪糕 $38 each ~ 侍應哥哥話佢哋用意大利牛奶, 斯里蘭卡茶葉, 每日新鮮自家制, 無咁甜好幼滑, 伯爵茶味好香好濃!
註: 個咖喱實在太好味, 食得太多….食唔落甜品呀, 我聞到隔離枱碟梳乎厘好好好香啊…….
张贴
