影片
更多
2023-06-28
153 浏览
每一次經過葵芳附近做完野都好想嚟呢一間咖啡店坐一坐，除咗環境睇落非常優美，同周圍嘅建築商舖形成好大嘅對比。純白色嘅外牆，簡約而高貴，配合木製圓洪式落地玻璃、稻草燈罩，非常有設計感，真係好似去咗外國旅行咁寫意舒適。今日係平日嘅朝早11:30，開門嘅時間嚟仲可以揀自己鍾意坐嘅位，冇耐12點已經開始坐滿晒人，相信識得嚟嘅都係熟客仔同飲開咖啡嘅人，因為佢哋嘅咖啡真係好有特色同好靚！12點開始提供食物，午市時間我同朋友點咗一份午市套餐同無激素雞胸藜麥沙律，另外重點咗兩杯飲品☺️香濃芝士卡邦尼亞意粉呢間餐廳主打係食意粉，除咗選擇上多元化，晏晝仲可以跟套餐加錢配飲品同小食，呢個香濃芝士卡邦尼意粉芝士味相當濃厚，富口感及雞蛋味重嘅闊條麵令層次更加提升，面層仲鋪滿咗煙肉🥓非常飽肚🤭蒜香雞翼套餐加少少錢就可以有兩隻蒜香雞翼 ，雞翼真係非常香蒜香嘅味道，入口脆身偏乾，有少少似日本嘅雞翼一夜干🥰菠蘿青檸紅茶（冷）以菠蘿乾襯托出更美觀嘅特飲，除咗有菠蘿肉同酸酸甜甜嘅青檸香味，紅茶味配合下唔會太過檸檬澀味，非常適合夏天飲用🍍藍水母之前在官網睇到就好想試，配合碟豆花嘅藍色、牛奶與咖啡營造出漸變嘅效果，因為牛奶的關係入
每一次經過葵芳附近做完野都好想嚟呢一間咖啡店坐一坐，除咗環境睇落非常優美，同周圍嘅建築商舖形成好大嘅對比。純白色嘅外牆，簡約而高貴，配合木製圓洪式落地玻璃、稻草燈罩，非常有設計感，真係好似去咗外國旅行咁寫意舒適。今日係平日嘅朝早11:30，開門嘅時間嚟仲可以揀自己鍾意坐嘅位，冇耐12點已經開始坐滿晒人，相信識得嚟嘅都係熟客仔同飲開咖啡嘅人，因為佢哋嘅咖啡真係好有特色同好靚！
12點開始提供食物，午市時間我同朋友點咗一份午市套餐同無激素雞胸藜麥沙律，另外重點咗兩杯飲品☺️
香濃芝士卡邦尼亞意粉呢間餐廳主打係食意粉，除咗選擇上多元化，晏晝仲可以跟套餐加錢配飲品同小食，呢個香濃芝士卡邦尼意粉芝士味相當濃厚，富口感及雞蛋味重嘅闊條麵令層次更加提升，面層仲鋪滿咗煙肉🥓非常飽肚🤭
蒜香雞翼套餐加少少錢就可以有兩隻蒜香雞翼 ，雞翼真係非常香蒜香嘅味道，入口脆身偏乾，有少少似日本嘅雞翼一夜干🥰
菠蘿青檸紅茶（冷）以菠蘿乾襯托出更美觀嘅特飲，除咗有菠蘿肉同酸酸甜甜嘅青檸香味，紅茶味配合下唔會太過檸檬澀味，非常適合夏天飲用🍍
藍水母之前在官網睇到就好想試，配合碟豆花嘅藍色、牛奶與咖啡營造出漸變嘅效果，因為牛奶的關係入口有點像Latte的質感，尾段是espresso嘅香濃咖啡味，相信咖啡師傅設計呢杯特飲係希望享用時好似望著藍藍的海洋🫶🏻
张贴
