土屋 (已搬遷) 新店位置

話說上次介紹銅鑼灣一間咖啡木糠布甸，反應都唔錯，但有住o係九龍半島o既朋友就怨PaPaccino偏心，唔介紹多d九龍o個面o既甜品。好~今日等PaPa再帶各位Coffeemates，去品嘗另一間咖啡木糠布甸，滿足所有Coffeemateso既慾望啦。今次PaPa帶大家去旺角女人街(通菜街)o既「土屋」，呢到裝修簡約，不過比人一種好warm o既感覺，牆上面仲掛左好多客人既相。「土屋」有好多款唔同o既甜品，但招牌菜當然係木糠布甸啦!咖啡木糠布甸分成五層，上下外層同埋中間，都鋪滿左由餅乾磨碎而成o既木糠，木糠細碎又夠乾身，唔會黏成一個「木糠球」，甘當然唔會黏喉。再抹上咖啡味奶油，食落去有又香又綿o既口感，有d似雪糕。但係咖啡味唔太濃，如果改良一下就perfect!下次Coffeemates行過旺角都不妨試下。