間舖頭用左舊式香港常用嘅小地磚，門口仲有接門拉閘，感覺幾親切，好特別🥰
佢提供嘅配料同湯底都幾多選擇，竟然仲有我最鍾意嘅胡椒湯底，驅寒又暖胃，啱晒呢排嘅天氣🍲配料裡面最吸引我嘅係冷萃咖啡流心蛋☕️+🥚，同埋加$12就有個小花膠，最後我要左流心蛋、蟹子魚包蛋、鮑汁花膠、肥牛片、通菜。
我第一時間食左隻咖啡流心蛋先，真係好特別，望落去好似茶葉蛋，入口變咗咖啡同蛋黃嘅combination，從來無諗過可以有呢個組合！佢個胡椒湯底真係好正，飲左幾啖已經暖笠笠，胡椒味好重，好堅♨️個鮑汁花膠雖然細細條，但賣相同口感都唔錯，入口好有食骨膠原嘅感覺😂好抵食呀👍🏼👍🏼👍🏼
