影片
更多
2021-05-10
27 浏览
放假最鍾意嘅活動就係影吓相打下卡，今日天氣好好所以就行咗過嚟觀塘海濱，呢邊都好多嘢食，包括新開嘅海濱匯，有唔少嘅餐廳，出發打卡前飲番杯咖啡先，所以揀咗呢間cafe。環境好好，門口已經係一個大嘅open kitchen，同埋咖啡機，已經聞到好香嘅咖啡味。而店內嘅座位設計帶點北歐風，好舒服。《鰻魚丼加香蔥滑蛋》$146好耐冇食過鰻魚，加上我係一個鰻魚控，呢個就當然係我必點之一。鰻魚汁夠，食落唔會乾，好滑好稔，口感偏膠質感覺，並非好厚實個種。滑蛋做得好好，半熟蛋香夠又好滑嫩，同鰻魚係絕配。《是日意大利麵》$128呢個係蟹子明太子帶子意粉。明太子又係我嘅最愛，意粉好creamy，但唔膩，重點係明太子同埋蟹子好多，所以擺入口嘅每一啖粉都好正😂！而帶子係新鮮帶子，半熟，好嫩好鮮甜，正！《Drity》$38 (跟餐半價）一開始唔知呢杯係乜嘢，聽完服務員介紹之後，就覺得好吸引。原來係底係凍奶，然後面係熱嘅咖啡，分層好明顯，飲嘅時候就有冰火交融嘅感覺，好正，底部嘅凍奶十分creamy，好滑，好好飲！《Brazil Lemon》$116 (跟餐半價）第一次飲咁特別嘅咖啡 ，因為本身唔鍾意酸，所以店員推薦左
環境好好，門口已經係一個大嘅open kitchen，同埋咖啡機，已經聞到好香嘅咖啡味。而店內嘅座位設計帶點北歐風，好舒服。
《鰻魚丼加香蔥滑蛋》$146
好耐冇食過鰻魚，加上我係一個鰻魚控，呢個就當然係我必點之一。鰻魚汁夠，食落唔會乾，好滑好稔，口感偏膠質感覺，並非好厚實個種。滑蛋做得好好，半熟蛋香夠又好滑嫩，同鰻魚係絕配。
《是日意大利麵》$128
呢個係蟹子明太子帶子意粉。明太子又係我嘅最愛，意粉好creamy，但唔膩，重點係明太子同埋蟹子好多，所以擺入口嘅每一啖粉都好正😂！而帶子係新鮮帶子，半熟，好嫩好鮮甜，正！
《Drity》$38 (跟餐半價）
一開始唔知呢杯係乜嘢，聽完服務員介紹之後，就覺得好吸引。原來係底係凍奶，然後面係熱嘅咖啡，分層好明顯，飲嘅時候就有冰火交融嘅感覺，好正，底部嘅凍奶十分creamy，好滑，好好飲！
《Brazil Lemon》$116 (跟餐半價）
第一次飲咁特別嘅咖啡 ，因為本身唔鍾意酸，所以店員推薦左呢款比較清少少又帶有檸檬香嘅咖啡，真係驚艷到我，好好飲，味道我好鍾意。
總括嚟講，呢度嘅咖啡真係令我好surprise，以後想入好飲嘅咖啡要黎呢度飲🥰
张贴
