雙魚座咖啡館

行開旺角，見到新開咗間cafe，入面有多款咖啡可以選擇，於是二話不說就同朋友入咗去試。入到去坐，環境寬敞舒適，可以透過大玻璃窗望住出面䌓忙嘅街道，彷如隔世。

打開menu，見到剩係虹吸式咖啡都有十多款選擇，我嘅選擇困難症即刻發作。最後店員介紹咗 🖤哥倫比亞。瑰夏。
除咗聞到芳香咖啡味，飲落去餘韻會有紅酒酒香，好特別，值得一試。

另外，朋友想食nutty 啲嘅咖啡，店員仲介紹咗 🖤南美洲。碳燒。
聞落去有好香嘅碳燒味，飲落一啲都唔苦，好順喉，好唔錯

我地都叫咗個朱古力布朗尼 配 意大利雪糕，布朗尼入面有少少果仁，味道都不過不失。不過，飲杯咖啡食個甜品，足夠我滿足一日。