食之劇場餐廳 (已結業)

位於白沙灣海傍，有一間碼頭酒店，酒店內有一間日式餐廳—食之劇場。店名由來係來自創辦人構思食物如演出，定期轉換表演內容。Lunch set 揀咗鰻魚飯餐：有沙律，前菜，主食，湯，漬物及甜品。沙律係羅馬生菜車厘茄配粟米粒伴柚子沙律醬，所有食材都新鮮，合格。前菜係木魚醬湯煮京都南瓜。南瓜煮至腍身唔太粉，亦吸收一些湯汁，木魚香味剛好，南瓜仍然冇被搶走味道。主菜：鰻魚飯。沒有過多醬汁喧賓奪主，先蒸後烤方式，烤前將肉醃響醬汁，入味後再燒，令汁索入肉及保存魚身水分。伴碟山椒聞落清香，撒上伴飯多咗層次，味道帶辛。海苔味噌湯清淡，木魚湯底白味噌加上蔥花海苔，可清一清味蕾。甜品係雜莓雪葩，由蛋白，淡忌廉，雜莓加少許糖漿製成，格外輕盈，酸味突出，味道天然，十分適合夏天。Executive chef 全程好細心講解餐廳及食物理念，希望食物唔太肥膩，味道盡量清簡。而日本山神水亦係賣點，軟水煮嘅食物，同自來水煮成，味道截然不同。乘住同集團鮨蕾嘅經驗，呢度將會推出壽司定食🍣。最後，呢度環境寧靜，適合情侶夫妻慶祝，或者有房可以同朋友慶祝生日。