八歌仙 (家樂坊) (已結業)

今日同中同聚會，第一次嚟八歌仙，裝修古色古香😍 有唔少日本盛清酒桶作擺設，每個角落都係和風濃厚。枱面同座位都夠闊落，即使擺滿嘢食都唔逼狹。用餐區空間感大，而且完全冇污煙漳氣嘅問題👏🏻🐮🐮A5熊本和王日本和牛燒肉包括牛三角、牛背峰、牛肩胛、牛上脾、牛上腦，牛背峰肉質滑嫩，十分鮮甜且肉汁滿溢😋湯底方面，我哋揀咗鰹魚昆布湯同龍蝦蕃茄湯，出奇地足料，絕無嬉場👍🏻其他食物款式應有盡有，活魚刺身喺日本都只有高級餐廳先有供應，喺香港更係難得一見🤩 鮮甜程度非一般刺身能及。扇貝大粒濕潤無異味，孜然羊肉串一啲都唔羶，炸芝麻雞翼皮脆多汁。天婦羅炸皮輕盈唔油膩，壽司魚生有厚度，完全唔會腥。