熊本牛鍋 (永勝商業中心)

营业中

休息中

想搵地方同friend邊食邊傾計，好多任食火鍋店都會限時90或者120分鐘，依度就係無限時放題～聽到隔離枱講如果唔食雞煲嘅話，可以免費直接揀火鍋湯底，如果又食雞煲又想轉火鍋湯嘅話，就要加$20，和風雞煲味道偏甜，唔食得辣嘅人都應該無問題，雞件係有得添嘅🐓打卡會送竹籠蒸海鮮，海鮮包括蝦、扇貝、生蠔、鮑魚，依幾樣海鮮估唔到咁新鮮，樣樣都有鮮味又彈牙，配埋蒜蓉食就更惹味🧄再之後就可以開始打邊爐，揀咗中間價位嘅套餐，有澳洲和牛、牛肩胛、豬肉等6款肉，整體質素都唔錯👌除咗送海鮮，仲有二人同行、學生同埋小童優惠，所以整體嚟講幾抵食！