影片
更多
2025-04-23
736 浏览
無意之中碌電話見到有人食呢間，我又心血來潮想去試吓。見到有得自己揀唔同款嘅天婦羅好似好開心咁。由於係第一次去嘅關係，所以唔係太熟悉佢嘅運作情況，夾完天婦羅就行咗去櫃枱同店員點餐。但係店員以唔友善嘅態度同我講「前邊叫完嘢先過嚟俾錢喎小姐」。對呢間舖頭基本上已經扣哂印象分。🍜烏冬方面，我哋叫咗明太子溫泉蛋拌烏冬同埋和風蜆肉烏冬。明太子溫泉蛋烏冬，明太子實在太少，撈完之後幾乎沒有明太子味。不過好彩出面櫃位有得自己落醬汁，蔥同埋炸粒，先至令碗嘢好食少少。蜆肉烏冬，我覺得性價比都幾高，無聊的我到最後數咗total有25粒蜆，堆滿左成個碗。天婦羅我哋叫咗幾款share試吓，分別有：1. 炸雞🍗- 外層炸粉炸得太厚，而且比較乾身，入邊雞肉相對非常少，而且幾乎沒有任何肉汁。2. 炸蝦餅🍤- 入邊有原隻蝦肉，而且又美味的鮮味，配合天婦羅汁非常完美。3. 蟹棒天婦羅🦀- 平平無奇，不過不失4. 八爪魚鬚🐙- 我覺得咁多款雜物入邊呢一款係最出色，外層炸粉好薄，八爪魚鬚夠大嚿，而且有輕輕調味。5. 流心蛋天婦羅🍳- 我本身以為係一隻烚嘅流心蛋攞去炸，點知原來佢係一隻荷包蛋拎去炸，非常特別，中間真係有蛋黃流出嚟
由於係第一次去嘅關係，所以唔係太熟悉佢嘅運作情況，夾完天婦羅就行咗去櫃枱同店員點餐。但係店員以唔友善嘅態度同我講「前邊叫完嘢先過嚟俾錢喎小姐」。對呢間舖頭基本上已經扣哂印象分。
🍜烏冬方面，我哋叫咗明太子溫泉蛋拌烏冬同埋和風蜆肉烏冬。
明太子溫泉蛋烏冬，明太子實在太少，撈完之後幾乎沒有明太子味。不過好彩出面櫃位有得自己落醬汁，蔥同埋炸粒，先至令碗嘢好食少少。
蜆肉烏冬，我覺得性價比都幾高，無聊的我到最後數咗total有25粒蜆，堆滿左成個碗。
天婦羅我哋叫咗幾款share試吓，分別有：
1. 炸雞🍗- 外層炸粉炸得太厚，而且比較乾身，入邊雞肉相對非常少，而且幾乎沒有任何肉汁。
2. 炸蝦餅🍤- 入邊有原隻蝦肉，而且又美味的鮮味，配合天婦羅汁非常完美。
3. 蟹棒天婦羅🦀- 平平無奇，不過不失
4. 八爪魚鬚🐙- 我覺得咁多款雜物入邊呢一款係最出色，外層炸粉好薄，八爪魚鬚夠大嚿，而且有輕輕調味。
5. 流心蛋天婦羅🍳- 我本身以為係一隻烚嘅流心蛋攞去炸，點知原來佢係一隻荷包蛋拎去炸，非常特別，中間真係有蛋黃流出嚟。不過可能佢冇同我哋翻炸，所以食落有啲韌。
6. 尤魚餅🦑- 可能我本身好鍾意呢款食物，所以對佢都冇太大要求，都覺得唔錯。
7. 海苔獅子狗天婦羅- 食落口都係比較韌，除咗有海苔嘅味道仲有少少腥味。
有時趕時間想平平哋速食呢間都係唔錯嘅選擇嚟嘅。今次乜都試過晒，下次就可以更清楚飲食到自己想食嘅嘢啦🤗
张贴
