鶴崎居酒屋 (已結業)

呢間居酒屋環境唔錯，掛了傳統燈籠、油傘、日本鼓和竹簾，好有日本feel。地方寬敞闊落，坐得舒適。以QRcode手機落單好方便。壽司、刺身、串燒、炸物和鍋物都有提供非常全面，食得非常寫意。味醂魚干 $48魚味濃入口焦香，口感煙韌，蘸上蛋黃醬食更可口。露筍豬肉卷 $32薄薄豚肉充滿油香，捲住露筍咬落爽口，口感味道唔錯。京蔥雞肉 $30京蔥爽口，雞肉口感煙韌，少許鹽吊味味道唔錯。吉列廣島蠔 $62炸蠔四件，外層酥脆大粒飽滿，咬落好juicy不腥不油膩，配埋醬汁酸甜美味。帆立貝 $30醬汁甜美，貝肉細粒軟彈口感。燒白鱔 $45白鱔厚肉肥美，肉質軟彈，大大塊咬落去令人滿足，配以照燒汁非常美味。大蝦天婦羅 $78外層脆漿不厚，蝦肉彈牙，炸得唔油膩。原條鰻魚飯 $108以原條鰻魚呈上，蛋絲墊底，飯可以選擇多飯或少飯，燒汁甜美撈飯好味，醬汁不多可求額外添加。薄薄的鰻魚肉質紮實魚皮煙韌，微微焦香，加了芝麻食得滋味。