影片
更多
2022-11-11
65 浏览
今次介紹嘅餐廳《MUTA Restaurant by ATUM》位於尖沙咀美麗華，主打西日輕食。餐廳設計用左日系常見嘅暖色調嘅木系設計，值得一提係佢地仲有提供和式設計嘅榻榻米，想坐嘅朋友記得要訂位。今次黎到就想試下佢地嘅Picnic Box $468 （for 2 persons)首先會送兩人份嘅是日例湯，今次就係雜菜湯，味道有少少酸，都幾開胃。三層高嘅木製野餐盒真係好靚，仲可以層層向外伸展, 打開後外形好似一隻船，每一層都鋪上唔同顏色嘅和紙，靚之餘又好玩。咸點方面最出色有鵝肝慕絲熊仔餅、吞拿魚三文魚子撻同埋柚子啫喱蟹肉杯。熊仔餅外形好得意，好適合用嚟打卡。熊仔餅裏面嘅鵝肝醬濃郁又幼滑，口感有啲似鵝肝醬雪糕三文治。至於吞拿魚三文魚子撻，三文魚子嘅咸香同埋吞拿魚蓉嘅綿密好夾。柚子啫喱蟹肉杯有滿滿嘅蟹肉，加埋帶酸嘅柚子啫喱味道都幾清新。至於甜點方面，英式鬆餅、Opera cake、泡芙、檸檬撻最為出色。英式鬆餅係抹茶味，可以配上抹茶鮮奶油或者草莓果醬，味道會更佳。Opera cake有多層嘅朱古力醬嘅海綿蛋糕，朱古力味都幾濃郁。檸檬撻有回甘嘅檸檬味，久久不散。另外仲叫咗個主食，鯷魚·柚子·
今次黎到就想試下佢地嘅Picnic Box $468 （for 2 persons)
首先會送兩人份嘅是日例湯，今次就係雜菜湯，味道有少少酸，都幾開胃。
三層高嘅木製野餐盒真係好靚，仲可以層層向外伸展, 打開後外形好似一隻船，每一層都鋪上唔同顏色嘅和紙，靚之餘又好玩。
咸點方面最出色有鵝肝慕絲熊仔餅、吞拿魚三文魚子撻同埋柚子啫喱蟹肉杯。熊仔餅外形好得意，好適合用嚟打卡。熊仔餅裏面嘅鵝肝醬濃郁又幼滑，口感有啲似鵝肝醬雪糕三文治。至於吞拿魚三文魚子撻，三文魚子嘅咸香同埋吞拿魚蓉嘅綿密好夾。柚子啫喱蟹肉杯有滿滿嘅蟹肉，加埋帶酸嘅柚子啫喱味道都幾清新。
至於甜點方面，英式鬆餅、Opera cake、泡芙、檸檬撻最為出色。英式鬆餅係抹茶味，可以配上抹茶鮮奶油或者草莓果醬，味道會更佳。Opera cake有多層嘅朱古力醬嘅海綿蛋糕，朱古力味都幾濃郁。檸檬撻有回甘嘅檸檬味，久久不散。
另外仲叫咗個主食，鯷魚·柚子·高麗菜奶酪貓耳麵。貓耳麵外形好得意，口感比平時嘅意大利粉更加煙韌。用左奶酪所以醬汁特別Creamy，而柚子又帶番少少酸味出黎，好特別。
如果唔想錯過其他好介紹，記得follow我呀😘
多謝大家！！！
`*-.,.-*`♪`*-.,.-*`♫`*-.,.-*`♬`*-.,.-*`♩`*-.,
张贴
