和順記 (路德圍) (已結業)

慕名而來，即使啱啱食飽飯無耐，都要走過嚟一試佢哋嘅雞髀。講緊係下午4點幾，仍然有好多人等位食同埋排隊叫外賣（犀利呢），我就等咗唔使5分鐘就有位嚕，正正～1️⃣6️⃣0️⃣0️⃣ 下午茶時間🥞奶油厚多士拎上手已經覺得好脆口，鋪面嘅煉奶牛油一啲都唔揸流攤嘅，咬上口脆又香甜，好好食😋 有人估計佢應該係用隔夜麵包先可以做到咁香脆，唔🤔我就唔太肯定，唯一肯定嘅係好好食。🍗瑞士汁雞髀王配薯條佢哋最出名嘅係炸髀，亦都可以係好多食評到知佢哋嘅炸髀係無敵，咁炸髀就唔需要先食喇，我哋今次就試吓佢瑞士汁雞髀係咪同樣出色。見到佢嘅色水好夠，不過咬落去好淋，似乎用太多梳打粉令到雞髀失去肉嘅彈性，雞表面好夠味，但內裡嘅肉就完全唔入味☹️ 薯條還好，惜唔脆。我諗可能食返炸雞髀會開心啲。總結係佢嘅奶油多係值得再食，下次再去真係要試炸雞髀。