影片
更多
2020-03-26
1029 浏览
好少可會喺平日時間嚟到數碼港，由於趕時間嘅關係，所以打算晏晝去附近胡亂吃個快餐。好彩同行嘅 IT 人發現商場 4 樓開左間日式便當，原來店內有部自動便當販賣機，每天會有四款不同的便當可供選擇，而其中一款更是素食料理，專為照顧素食人士而設，另外每個便當都會跟一罐罐裝飲品。至於購買流程亦非常簡單，可以先喺店舖網站落單，買完就會有個二維碼，去到店舖掃個 QR Code 就可以取餐，方便快捷，當然到現場購買亦可以。我哋揀左柚子西京燒雞扒 ($50) 同鹽蔥燒三文魚 ($66)，攞完便當就可以去旁邊飲品櫃自取飲品，有咖啡、果汁、梳打、茶等等，全部日本直送；另外 Counter 附近仲有啲零食好似薯片之類供應，如果口痕的話，都可以買返包。買完便當就可以去隔離嘅 Food Court 開餐。柚子西京燒雞扒：雞扒非常大塊，肉質好嫩滑， 唔會乾身，而且已經切開曬一件件，非常方便食用。好鍾意雞扒面頭嗰陣柚子味，酸甜清香，加埋帶甜的西京燒麵醬同日本珍珠米，愈食愈開胃！鹽蔥燒三文魚：三文魚相當肥美油潤，大件又厚身，肉質非常滑溜，加上以海鹽和香蔥調味，食落鹹香味鮮，味道一流。最開心就係個飯盒入面仲配左少許野菜、
好彩同行嘅 IT 人發現商場 4 樓開左間日式便當，原來店內有部自動便當販賣機，每天會有四款不同的便當可供選擇，而其中一款更是素食料理，專為照顧素食人士而設，另外每個便當都會跟一罐罐裝飲品。
至於購買流程亦非常簡單，可以先喺店舖網站落單，買完就會有個二維碼，去到店舖掃個 QR Code 就可以取餐，方便快捷，當然到現場購買亦可以。
我哋揀左柚子西京燒雞扒 ($50) 同鹽蔥燒三文魚 ($66)，攞完便當就可以去旁邊飲品櫃自取飲品，有咖啡、果汁、梳打、茶等等，全部日本直送；另外 Counter 附近仲有啲零食好似薯片之類供應，如果口痕的話，都可以買返包。
買完便當就可以去隔離嘅 Food Court 開餐。
柚子西京燒雞扒：雞扒非常大塊，肉質好嫩滑， 唔會乾身，而且已經切開曬一件件，非常方便食用。好鍾意雞扒面頭嗰陣柚子味，酸甜清香，加埋帶甜的西京燒麵醬同日本珍珠米，愈食愈開胃！
鹽蔥燒三文魚：三文魚相當肥美油潤，大件又厚身，肉質非常滑溜，加上以海鹽和香蔥調味，食落鹹香味鮮，味道一流。最開心就係個飯盒入面仲配左少許野菜、迷你甜薯、蕃茄仔、嫩滑的玉子等，營養好均衡，而且夠曬豐富，食完真係好飽肚。
张贴
