安平燒肉

营业中

休息中

好耐冇食就會成日掛住，今日晏晝難得同隊友一齊放假，就黎左食安平燒肉，呢度地方大，坐位闊落唔在講，員工服務好又有禮貌，食物質數一如以往高。我地比較少食放題，所以都會寧願俾多少少食好啲，我地叫左澳洲M5和牛吃到飽，幾乎咩都叫得，食足兩個鐘。先講下牛先，記得食佢地送既牛舌芯，好好味！ 另外M5和牛同牛小排係必食，極黑牛都係好正既，除左牛我地另外叫左豬五花都好出色。肉類我鍾意點返佢個安平黃金醬或者粉紅鹽，更提鮮。店員介紹左二月先開始有既鹽蒜燒生蠔，海鮮我就叫左虎蝦屏東燒魚腹同蠔，個蠔真係唔錯，又唔腥。千祈唔好唔記得台灣夜市小食，我地叫左士林小香腸，奶油金菇，安平炸蚵卷，金沙翠玉苦瓜，澎湖花枝排，滷水涼拌鴨舌，全部都正! 熟食我仲好鍾意櫻花蝦乾半手工麵同蕃茄洋蔥牛肉湯。足料又好味！蔬菜類我就必食雞髀菇，翠玉瓜，同金菇，好味又易燒，連埋啲肉一齊食好夾！而菠蘿就當甜品，酸酸甜甜，中和返食慾嘅油膩感。野飲方面又係非常多選擇，除左汽水台式罐裝飲品之外，仲有自家製冷泡茶，個人喜歡桂花烏龍。最後食返個朱古力同曲奇雪糕黎畫返個完美句號。