影片
更多
2010-10-22
21 浏览
16-10-2010重陽都要返公司做嘢 , lunch 當然要食好一點為自己打打氣. 記得朋友 J 提過中環有間 "Wagyu" 幾好食, 應該係指呢度吧, 又難得公眾假期有開門, 又試試. 上到嚟先知原來係日式西餐廳? 然而覺得 lunch menu 的 Wagyu flank steak 及 Wagyu Hamburg 幾吸引, 結果就叫了各一 set 方便 share 食.沙律係普通 green salad, rockets, 生菜, 車厘茄 etc 全都夠新鮮, dressing (mustard seed dressing?) 份量剛好, 味道酸而不嗆喉, 不過面頭的芝士粉就有點畫蛇添足, 味道 "Kraft" 又一撻撻的, 感覺一般.湯係蕃茄湯, 飲落則似走辣版羅宋湯, 不過幾喜歡入面勁多的洋蔥, 腍腍的又幾香, 幾滿意.Wagyu flank steak: 中間呈粉紅色, 賣相吸引, 食落少少韌, 不過肉味實在香 醬汁係 gravy? 唔算濃, 又好似帶少少 garlic 味, 配牛肉不錯, 送飯亦好.Wagyu Hamburg: 漢堡扒外帶點香脆,
16-10-2010
重陽都要返公司做嘢 , lunch 當然要食好一點為自己打打氣. 記得朋友 J 提過中環有間 "Wagyu" 幾好食, 應該係指呢度吧, 又難得公眾假期有開門, 又試試. 上到嚟先知原來係日式西餐廳? 然而覺得 lunch menu 的 Wagyu flank steak 及 Wagyu Hamburg 幾吸引, 結果就叫了各一 set 方便 share 食.
沙律係普通 green salad, rockets, 生菜, 車厘茄 etc 全都夠新鮮, dressing (mustard seed dressing?) 份量剛好, 味道酸而不嗆喉, 不過面頭的芝士粉就有點畫蛇添足, 味道 "Kraft" 又一撻撻的, 感覺一般.
湯係蕃茄湯, 飲落則似走辣版羅宋湯, 不過幾喜歡入面勁多的洋蔥, 腍腍的又幾香, 幾滿意.
Wagyu flank steak: 中間呈粉紅色, 賣相吸引, 食落少少韌, 不過肉味實在香 醬汁係 gravy? 唔算濃, 又好似帶少少 garlic 味, 配牛肉不錯, 送飯亦好.
Wagyu Hamburg: 漢堡扒外帶點香脆, 中間就仍生生哋, 質地軟綿鬆化, 帶點 herbs 及黑胡椒味, 亦食到粒粒肥及筋位, 好食喎 醬汁係陳醋 based, 酸香十足, 亦減低了漢堡扒的油膩感, 配搭不錯的. 配角除了面頭的大根茸之外, 仲有 mashed potatoes, 燒過的蕃茄, 洋蔥及疑似係虎皮尖椒的青椒, 其中特別喜歡 mashed potatoes, 質地有點粗糙, 但薯味好香, 仲帶點甜及牛油香, 諗起人氣豚丼店的薯仔沙律 (http://www.openrice.com/restaurant/commentdetail.htm?commentid=2119935)
兩款牛肉都偏濃味, 送飯就最好, 更好的係呢度用日本米, 米香強勁帶少少甜, 亦煮得偏乾身及硬身, 啱晒我
嚟到日式西餐廳, 飲品當然叫了熱咖啡, 一貫日式咖啡的唔算好濃但夠香, 齋飲唔苦, 落糖落 cream 就當然香滑不少, 穩穩陣陣的.
食物不錯, 環境及配套亦十分好, 每人埋單 $120 有找, 值得試試的.
张贴
