丸十あぶり牧場 (已結業)

之前食過丸十喺朗豪坊嘅分店，印象深刻，今日嚟到新世紀呢邊見到丸十又忍唔住試試佢了入到黎先知同朗豪坊嗰間個menu好唔同，嗰邊主打壽司、刺身類，新世紀呢間就以和牛燒肉料理為主火山石燒 宮崎和牛紐約客 $368/150g石燒有2款和牛可以揀，分別係宮崎和牛同和州牛，因為想食純正日本種所以揀左宮崎和牛；店員會喺你面前將D牛放上塊預熱左嘅火山石到，之後就睇你想要幾成熟自己翻面；塊紐約客嘅油花唔算多，不過分布尚算均勻，係邊位有一大舊脂肪同筋；入口牛香味濃，肉質軟嫩帶少許嚼勁。極上牛柳三文治 $158食完塊牛未夠喉，見到呢期好hit嘅和牛三文治，但價錢比起d高級日本料理店平好多就決定試埋；麵包略略烘過，但估計比沙律醬沾濕左，未能保持香脆；裡面夾住嘅厚切牛柳色澤唔錯，不過比起頭先塊和牛紐約客嘅口感同肉味都略嫌遜色。