影片
更多
2023-01-25
26 浏览
餐廳環境闊落，裏面都係日式嘅裝修，有啲日式鳥居嘅壁畫，大部份都係梳化位，坐得幾舒服！Menu雞、牛、豬、海鮮🦐都有，同埋日式烏冬🍥呢啲小食，而且價錢唔算貴，和牛都係$100唔使就可以試到！嗌佢嘅燒肉會跟一個醬料碟，有秘製燒汁、酸汁同辛口三款醬汁；仲可以加七味粉、黑椒同埋鹽，跟返個人口味去點啲燒肉～------------------------------🍱◖大阪城 和牛五點盛合◗ $358呢款係餐廳嘅招牌菜，抵食又啱晒打卡，仲可以一次過試晒五款和牛！大阪城一共有三層，而三層間包括五款唔同嘅和牛部位：特級厚牛舌、和牛磚、和牛小排、和牛三角、和牛五花，而且每款都有三至五件！每款和牛都好Juicy，一咬落去牛油又香豐富，最鍾意佢個牛舌同埋牛小排，牛舌好厚實同脆，口感豐富；牛小排相對上比較瘦，油脂分布平均，多咗肉質嘅纖維，咬落更有口感！🦪◖海鮮三點盛◗ $128佢嘅海鮮盛用個木盒裝住，好靚好有儀式感！一個盛合有三款海鮮：虎蝦、元貝同生蠔，而且每款都大大隻！元貝同生蠔已經調咗味，加咗少少蒜蓉同辣粉，建議可以開始就放喺爐嘅側邊慢慢燒到佢收汁，鮮味十足；虎蝦大隻肉質厚實彈牙，燒完出嚟超香，呢個質素
------------------------------
🍱◖大阪城 和牛五點盛合◗ $358
呢款係餐廳嘅招牌菜，抵食又啱晒打卡，仲可以一次過試晒五款和牛！大阪城一共有三層，而三層間包括五款唔同嘅和牛部位：特級厚牛舌、和牛磚、和牛小排、和牛三角、和牛五花，而且每款都有三至五件！每款和牛都好Juicy，一咬落去牛油又香豐富，最鍾意佢個牛舌同埋牛小排，牛舌好厚實同脆，口感豐富；牛小排相對上比較瘦，油脂分布平均，多咗肉質嘅纖維，咬落更有口感！
🦪◖海鮮三點盛◗ $128
佢嘅海鮮盛用個木盒裝住，好靚好有儀式感！一個盛合有三款海鮮：虎蝦、元貝同生蠔，而且每款都大大隻！元貝同生蠔已經調咗味，加咗少少蒜蓉同辣粉，建議可以開始就放喺爐嘅側邊慢慢燒到佢收汁，鮮味十足；虎蝦大隻肉質厚實彈牙，燒完出嚟超香，呢個質素真係好抵食！
🍳◖明太子撈烏冬伴月見◗ $58
食燒肉梗係要配返個主食，唔想配白飯咁普通，可以跟返呢啲比較日式嘅主食。將蛋漿同埋明太子均勻同烏冬撈埋一齊，烏冬彈牙又掛汁，正！
🍇◖巨峰可爾必思梳打◗ $32
巨峰提子好香，可爾必思又酸酸甜甜，溝埋梳打水，香得黎又唔會太甜，燒肉嘅時候食，解膩一流！
🍍◖古早冰菠蘿柚子梳打◗ $38
呢杯梳打淨係望外表已經好吸引！嘢飲嘅底係啲柚子蜜，飲之前要同梳打撈勻；佢有成串冰菠蘿喺入面，食到最後可以拎去燒一燒佢，好juicy又唔酸～
🌟Encore指數：9/10
张贴
