燒肉酒場 (已結業)

📍燒肉酒場 銅鑼灣📍天氣開始轉涼，好想食燒肉，同朋友搵咗呢間位於銅鑼灣永光中心嘅燒肉酒場，一於做一日食肉獸🦖！🥗 椰菜絲沙律 & 爐邊前菜 $25爐邊配料驚喜地好食！啲洋蔥勁香甜，就咁食，或者配肉食，都好好食！🥩 和牛盛合 $468有和牛肉眼、和牛西冷、和牛三角胸小排、和牛肩、和牛脊峰😍，油脂分布平均，又好靚嘅雪花紋，淡淡牛肉嘅香味，加上濃郁嘅油脂，大享受😋。🐽 山形縣產煙燻豬腩肉 $78配上燒肉拍檔 ($48)，好夾！有生菜、包片皮鴨嗰啲麵皮、青瓜絲、蒜蓉、韓式燒肉醬同埋Wasabi，好豐富，好多選擇！🐔 特色炭火雞腿肉 $48雞肉肉質嫩滑，醃料入味。🐑羊頸肉燒羊肉表面香脆，肉質唔會靭，亦都冇好重嘅羊羶味😆！🥗翠玉瓜 $18 & 雞髀菇 $22 & 大啡菇$32🍺 生啤 $68燒肉一定要配啤酒，爽😆！環境安靜舒服，唔會太大浸油煙味，同隔籬枱距離足夠，有私隱度。服務員態度友善積極，係一次暢快嘅用餐體驗😆。