影片
更多
2023-04-04
30 浏览
有一排無打邊爐，心思思又想去食，咁啱朋友想食任食火鍋，咁就一拍即合，決定去食火鍋放題，朋友介紹呢間係尖沙咀既任食火鍋超正，可以任食A5 熊本黑樺和牛😍，咁正梗係要去試吓啦～餐廳環境乾淨舒適，座位闊落。120分鐘黑樺牧場和牛火鍋放題（HK$398/人），入座先揀湯底，有成7款你揀，包括：🔺黑樺秘製酸辣魚鍋🔺花雕日本薩摩雞藥膳鍋🔺北海道豆乳玫瑰芝士鍋🔺惹味麻辣雞鍋🔺野生竹笙松茸菌鍋🔺黑松露野生竹笙松茸菌鍋🔺鰹魚大根昆布鍋因為主要係食黑樺和牛，所以揀咗個清清地既湯底，我地就揀咗野生竹笙松茸菌鍋，上枱好香既松茸味道。入座禮物：🥢黑樺牧場精選層架入座即送既三層架，包括精選和牛、五花肉、蝦滑及墨魚滑，和牛脂肪均勻，肉質細嫩，而五花肉係半肥瘦，脆口，一點也不油膩😋，蝦滑同墨魚滑超大份量，而且都好足料，爽口彈牙。🥢北海道大元貝牡蠣海鮮拼盤入座禮物again, 但呢個要預先訂位先有，每人有2隻生蠔、一隻元貝及大蝦，如果想要任食元貝及牡蠣可以加錢（HK108/人），但我地都係專心食牛🤣🤣海鮮拼盤以蒸海鮮方法處理，原汁原味，有店員幫手打開蠔殼及元貝，服務非常貼心，海鮮新鮮，蒸的時間剛剛好，元貝同生蠔都仲好鮮
餐廳環境乾淨舒適，座位闊落。120分鐘黑樺牧場和牛火鍋放題（HK$398/人），入座先揀湯底，有成7款你揀，包括：
🔺黑樺秘製酸辣魚鍋
🔺花雕日本薩摩雞藥膳鍋
🔺北海道豆乳玫瑰芝士鍋
🔺惹味麻辣雞鍋
🔺野生竹笙松茸菌鍋
🔺黑松露野生竹笙松茸菌鍋
🔺鰹魚大根昆布鍋
因為主要係食黑樺和牛，所以揀咗個清清地既湯底，我地就揀咗野生竹笙松茸菌鍋，上枱好香既松茸味道。
入座禮物：
🥢黑樺牧場精選層架
入座即送既三層架，包括精選和牛、五花肉、蝦滑及墨魚滑，和牛脂肪均勻，肉質細嫩，而五花肉係半肥瘦，脆口，一點也不油膩😋，蝦滑同墨魚滑超大份量，而且都好足料，爽口彈牙。
🥢北海道大元貝牡蠣海鮮拼盤
入座禮物again, 但呢個要預先訂位先有，每人有2隻生蠔、一隻元貝及大蝦，如果想要任食元貝及牡蠣可以加錢（HK108/人），但我地都係專心食牛🤣🤣
海鮮拼盤以蒸海鮮方法處理，原汁原味，有店員幫手打開蠔殼及元貝，服務非常貼心，海鮮新鮮，蒸的時間剛剛好，元貝同生蠔都仲好鮮嫩，非常有海水味👍🏻
放題選擇方面都有好多，除了主打A5熊本黑樺和牛外，仲有佐賀名水豚，仲有各款熟食及火鍋料，飲品、雪條等，真係點叫都食唔晒🤣🤣， 所以我地主攻和牛
A5熊本黑樺和牛：
🥢牛頸脊
牛頸脊少脂肪，較有口感，牛味亦較濃郁。
🥢特上霜降牛小排
叫得霜降就知油脂豐富，油脂分佈平勻，淥起來肥美又軟腍，滿口油香🤤
🥢肩胛梅花
有筋及油花，脂肪較牛小排少，吃起來軟嫩適中，切成薄片令筋位不太影響，配著剛剛好😋
🥢玉子後腰肉
後腰肉脂肪平均，肉質軟腍，再加上雞蛋就更加嫩滑，只要淥一淥就食得。
🥢 醉玫瑰日本佐賀名水豚肉梅花肉
呢個肉質軟腍多汁，再用上酒去醃製，淥完還有淡淡的酒香，食落一啲都唔嚡，好好味
另外加點：🥢台灣鴨血
雖然唔係麻辣湯底，但深愛鴨血的我依然叫來試試看，鴨血口感Q彈，本身已入味，味道不錯，但還是麻辣湯才配鴨血，松茸湯太清了一點。
🥢炸午餐肉
同樣，午餐肉也是要配麻辣或濃味湯底才能突顯午餐肉的濃味。
🥢唐生菜、大根、粟米
蔬菜見到都好新鮮靚仔，大根清甜，粟米甜又無渣。
🥢蟲草花魚肚螺片烏雞湯
食食吓仲有湯出，自然唔執輸去攞番盅黎飲，原來係烏雞湯，補身又好味😋
飲品是自取的，有烏龍茶、沙冰等，另外也可以加錢任飲啤酒或清酒，我地就揀咗烏龍茶，鍾意佢唔甜，仲可以消滯，幫助消化食多啲🤣
至於甜品就有雪條，當日有紅豆及榴槤雪條，好味，榴槤控要試吓～ 🤭
张贴
