福岡漢堡扒 (鴻威大廈) (已結業)

呢間石燒漢堡扒留意咗好耐，自己落手整幾過癮，今日終於一試😆 餐牌有幾款配搭嘅漢堡扒餐，今日叫咗兩人套餐3️⃣($359)包咗兩份漢堡扒，仲有飯同飲品～✿ 芝士蛋蒜和牛漢堡扒(中)圓碌碌嘅和牛漢堡😚 將少量肉放上石燒，每邊輕輕煎幾秒就食得，本身肉無調味可以食到肉味，仲好香油脂。鐵板上仲有蛋、芝士同蒜片嘅配搭食落好惹味😋✿ 月見味噌牛丼飯呢個飯有炒雜菌加肥牛片，撈埋蛋黃同醬汁都幾好食！✿ 特飲(+$18)飲品加配咗兩杯特飲真係啱晒，可以解下油膩又解渴。巨峰提子呢個好香，柑橘檸檬呢一杯味道幾濃郁😬