牛川日本和牛專門店 (已結業)

天氣凍最啱就係食熱辣辣嘅燒肉，今晚就去咗牛川試吓「尊貴和牛套餐」任食燒肉放題，$458食足120分鐘。一開始就上咗日本A5和牛拼盤，和牛沙律，手工月見燒鳥串同海鮮拼盤，和牛拼盤用咗木樓梯層架上，擺盤好靚打卡一流架上面基本上唔同部位嘅和牛都有齊晒，而且放咗d紙牌方便你分辨，每一款牛肉都好高質，特別係牛肩胛同牛五花，脂肪分布好平均，食落去牛味重而且入口即溶，唔夠喉仲可以任嗌，又好味又滿足。和牛沙律用咗新鮮沙律菜配上軟嫩燒和牛，好清新同refreshing。而海鮮拼盤種類多，有魷魚，海蝦，扇貝，蠔同甲羅燒，海鮮食落好新鮮，蠔同扇貝都好厚肉同大隻，甲羅燒就好足料好重蟹膏味，配埋蒜蓉包一齊食好惹味。食得燒肉放題點少得任食刺身，佢有大約10款刺身可以揀，刺身好新鮮，最欣賞佢個虎蝦，大蝦同馬刀貝，食落好鮮甜而且爽口餐廳仲有好多唔同種類嘅壽司，湯羹，熟食，炸物同埋飲品比大家選擇，飲品方面仲有自家製冷泡茶，健康又好飲。最後仲有雪糕，有得揀movenpick/日本雪糕，為呢餐畫上完美嘅句號。總括而言餐廳環境舒適，啱晒同朋友慢慢食住吹水，食物質素亦唔錯，款式多選擇，加上食完高質和牛都回本，下次會再encor