燒肉 JuJu

营业中

休息中

A4和牛燒肉壽喜燒，非常好食！好嫩滑，入口即溶，牛肉嘅油脂分布均勻。牛肉香氣四溢，沾蛋漿食勁香；沾壽喜燒汁食，甜甜哋，又另一翻滋味。套餐包前菜、麵豉湯、沙律，仲有紫菜飯，夠晒豐富。壺漬蒜香豬腩條定食（配明太子日本蛋烏冬），估唔到呢個豬腩條咁好食！雖然好厚身，但燒完之後啲肉都唔柴，肉味香濃而且充滿蒜香，呢個套餐同樣包含前菜、麵豉湯、沙律。前菜嘅牛蒡最好味！明太子撈烏冬，入面仲有柴魚、蛋黃、紫草，味道好濃郁呀！呢度仲有好多醬料可以自由配搭，牛骨汁都好正架！