饗和民 (萬宜大廈)

营业中

休息中

今日經過見到佢既豪華二人套餐幾抵，$500有10樣嘢食，當中包壽喜燒同魚生，都幾吸引！呢個套餐係包沙律、五點刺身、海老天婦羅同日式好傳統嘅甜品雨滴餅跟住鍋物、主食、燒物同飲品都可以自選好鍾意呢個和牛壽喜燒，啲牛肉雪花分明，食落好新鮮嫩滑，仲配埋一隻日本蛋。另外海老天婦羅都幾有驚喜，本身麻麻天婦羅天婦羅，因為覺得好熱氣，同埋有印象中嘅天婦羅好多都係炸粉，點知呢度既天婦羅都幾有水準，首先個外皮唔厚但夠香脆，入邊嘅蝦肉口感仲好爽滑。最後有講講呢個雨滴餅，好多餐廳都會serve甜膩同邪惡既甜品，呢個甜品係好味得黎又唔邪惡，因為我唔好太甜，所以無加太多黑糖醬，個雨滴餅保持清甜，好岩最後先食。