八幡屋涮涮鍋 (已結業)

今日去咗旺角買嘢，因為冇食早餐，就決定搵個午餐放題去盡啲。朋友介紹去八幡屋涮涮鍋，咁就上去試一試。環境唔錯，有個大bar枱放咗好多菜，同埋有個醬料bar，好多選擇。叫咗個澳洲M5和牛放題。因為五月份有個優惠，買一送一，好抵。先上咗一個魚生拼盤，魚生都好多種類，同埋好新鮮。跟住有一盤海鮮，最鍾意食帆立貝同青口，當然有encore啦。佢哋有好多丸，試咗少少，冇乜特別。M5和牛，雪花同滑，基本上不停叫，直至食到飽，返哂本，哈哈。當然都有食啲菜啦，要健康㗎嘛。飲品有台式罐裝，比較少見同幾好飲。最後梗係要食雪糕，雖然係雀巢雪糕，但係有紅豆味，係我好鍾意食嘅，好正。其實佢哋有燒物，但係因為啲牛好好食，冇留肚食燒物，下次出去旺角再幫襯先至食返夠。