黑樺牛 (已結業)

小妹一向最鍾意就係打邊爐，天氣開始凍梗係要開始烚吓烚吓，和牛放題唔少得❤️✨今次食呢間牛肉質素真係不得了，湯底每一款都用心準備，QR code落單好方便，職員有禮貌！湯底我哋揀左北海道豆乳玫瑰拉絲芝士鍋，一拎出嚟係玫瑰花形狀放喺湯入面，上面仲有啲食用花，已經好震驚，因為好靚。用左日本北海道豆乳湯及拉絲芝士，湯底味道都好濃，基本上所有食物夾上嚟已經好夠味，會見到一條條芝士係爐入面浮吓浮吓，芝士味道香濃，根本唔需要用豉油已經好正。肉類店員先會幫我地準備A5和牛8小碟，熊本黑樺和牛牛小排、上肩胛肉、肩胛梅花、牛前胸、玉子後腰肉、霜降牛小排、牛頸脊及千本筋。款式好多✨✨推介霜降牛小排，油脂雪花分布均勻，口感好軟嫩，超正。另外呢間餐廳，有牛胸油😳佢哋嗰啲都好大件，口感爽牛味豐富。海鮮餐廳送左海鮮拼盤，有大元貝、生蠔、海蝦，邊日會喺你面前加熱、開殼，元貝肉質鮮甜，生蠔飽滿又唔腥。黑樺牛牧場層架好似tea set個架，影相打卡就啱晒，最上層係和牛片砌成玫瑰花形狀，拆開原來有勁多片。中層有日本豚肉，最下層則係三款手打丸，推介蝦丸食落爽口。飲品入面有好多唔同款式嘅無糖茶，啱晒打邊爐咁重口味嘅時候飲。另外有